Лекцыя Ганны Пазняк пра ўрбаністыку / Віцебск

25 студзеня ў Віцебску адбудзецца лекцыя журналісткі, даследчыцы, выпускніцы інстытута «Стрэлка» Ганны Пазняк за назвай «Стратэгіі і тактыкі. Што можна зрабіць у горадзе тут і цяпер, а што можна рабіць потым».

На якія выклікі мы, патрабавальныя гараджане, можам рэагаваць самі? Як гараджане могуць рабіць прастору, у якой яны жывуць, больш дружалюбнымі і прыемнымі для сябе ды іншых? На прыкладах фармальных і нефармальных ініцыятыў апошніх гадоў (ад стварэння парку High Line да праекта мастака Фрэнка Хантэра і анлайн-праектаў па зборы ідэй гараджан для добраўпарадкавання горада) мы паспрабуем зразумець, як працуе ўрбаністыка хуткага рэагавання, і даведацца, навошта гораду патрэбна тэорыя малых справаў.

Пра лектара:

Сацыялагіня, журналістка, даследчыца гарадской культуры, выпускніца Інстытута медыя, архітэктуры і дызайну «Стрэлка» (Масква). З 2010 па 2012 год супрацоўнічала з Лабараторыяй крытычнага ўрбанізму (ЕГУ). Выкладчыца курса «Горад у эпоху татальнай медыятызацыі» ў ECLAB.

Лекцыя адбудзецца ў Арт-прасторы на Талстога, 7 

Пачатак а 18.00

Уваход вольны

Гэта першы рэгіянальны адукацыйны івэнт, арганізаваны 34mag.net і Euroradio ў новым, 2016 годзе. Летась лекцыя Дзяніса Чыркі, галоўнага натхняльніка Freaky Summer party, пра тое, як арганізаваць паспяховы гарадскі фестываль, прайшла ў Берасці, а сустрэча з Раманам Свечнікавым, вандроўнікам і аўтарам кнігі «Рома едзе», – у Магілёве. Сёлета прагрэсарская місія ў рэгіёны працягнецца, сачыце за анонсамі!