АРР “Дзедзіч” намагаецца зрабіць са двара на вул. Маякоўскага 46-1 паўнавартасную вулічную публічную прастору. Вы можаце заўсёды далучыцца да праекта праз гэту форму https://goo.gl/forms/gdbcwHQlxxgGhglm1
У межах праекта ладзяцца працоўныя сустрэчы, дзе ўдзельнікі фармуюць канцэпцыю будучай прасторы. У суботу, сумесна з Менскай урбаністычнай платформай, адбудзецца другая адкрытая сустрэча, на якую прыедзе ўрбаніст Дзмітрый Бібікаў каб падзяліцца сваімі ведамі.
Размова будзе весціся аб маштабных чалавеку і малой супольнасці прасторах, а таксама пра месца грамадскай прасторы ў развіцці горада. Вы пачуеце адказы на наступныя пытанні:
- Што такое грамадская прастора?
- Якія функцыі яна выконвае і навошта з’явіліся.
- Якімі могуць быць публічныя прасторы?
- Чаму не кожная грамадская прастора павінна быць вуліцай Савецкай і як зрабіць менш, ды лепш?
Што: Лекцыя “Месца публічнай прасторы ў развіцці горада”.
Дзе: г. Брэст, вул. Маякоўскага 46-1
Хто: Дзмітрый Бібікаў, урбаніст, архітэктар і адзін з заснавальнікаў Менскай урбаністычнай платформы.
Калі: 12 жніўня (субота) ў 16:00.
Уваход вольны!
