MALDZIS-фэст у Варшаве

13 ліпеня, у панядзелак, ініцыятыва MALDZIS запрашае на MALDZIS-фэст. 

Вас чакаюць сустрэчы і размовы з людзьмі, якія вызначаюць і папулярызуюць беларускую культуру, яркія выступы і прэзентацыя новага каштоўнага артэфакта з калекцыі MALDZIS. 


Праграма пакуль такая: 

17:00 — Рэгістрацыя 

17:30 — 17:40 — Уступнае слова і прэзентацыя карціны. 
Удзел бяруць Рыгор Астапеня і Павел Мацукевіч. 

17:40 — 18:40 — Размова са Святланай Алексіевіч 

Мадэратар — Рыгор Астапеня 

Нобелеўская лаўрэатка раскажа пра новую кнігу і ранейшыя творы, а таксама пра тое, як літаратура пераўтвараецца ў сэнсы, праз якія свет бачыць Беларусь. 

18:40 — 19:00 — Перапынак 

19:00 — 20:00 — Серыя выступаў: «Як ствараць беларускую культуру» 

Мадэратар — Саша Івулін 

Мікалай Халезін: «Якія культурныя праекты цяпер патрэбныя?» 

Праект Этыка: «Як святкаваць беларускую традыцыю?» 

Валянціна Андрэева: «Хто напісаў гэтую кнігу? Аўтарства і адказнасць ў эпоху ШІ» 

Дзмітрый Салодкі: «Па-за межамі геаграфіі: беларускі культурны код у люстэрку сумежных еўрапейскіх традыцый» 

Саша Адамаў: «Як беларускаму мастаку стварыць санаторый падчас Warsaw Gallery Weekend?» 

20:00 — 20:20 — Перапынак 

20:20 — 21:20 — Дыскусія: пра што расказвае свету беларуская культура? 

Мадэратарка — Ірэна Кацяловіч 

Абмяркуюць, ці ёсць у беларускай культуры адзіны вобраз, які свет лёгка пазнае, і ці патрэбны ён наогул. І ці можа свет зноў захапляцца намі? Або толькі спачуваць? 

Удзел бяруць: 
Саша Філіпенка 
Лявон Вольскі 
Удзел яшчэ адной спікеркі ўдакладняецца 

21:20 — Завяршальнае слова 


Уваход вольны. Рэгіструйцеся па спасылцы.