У суботу, 28 сакавіка, у Дэлфце адбудзецца творчая сустрэча з Аляксандрам Ждановічам (Маляванычам).
Маляваныч кліча дзяцей і тых, хто прыкідваецца дарослымі, на спектакль батлейкі.
Расклад такі: 15:15 — 16:30 Сустрэча з дзецьмі
Будуць вучыцца невядомым беларускім гульням, глядзець спектакль «Цар Ірад», самі прымаць у ім удзел, майстраваць і запускаць папяровых летакоў!
А бонусам яшчэ паглядзяць спектаклік «Пэпі Доўгая Панчоха».
17:00 — 18:30 Дарослая сустрэча
Паслухаеце расказ пра тое, як стваралася Калыханка, а таксама экскурс у гісторыю беларускай батлейкі. Пабачыце рэканструкцыю батлеечнага спектакля «Салдат і чорт».
Квіткі коштам 20 еўра дарослым і 15 еўра дзеткам бярыце па спасылцы.