У чацвер, 20 ліпеня, акцёр Аляксандр Ждановіч, любімы намі і як Маляваныч, запрашае дзяцей і тых дарослых, якія не згубілі ў сябе жаданне радавацца і здзіўляцца, на свой творчы вечар.
Дата: 20 ліпеня
Час: дзверы — 18.30, пачатак — 19.00 (час мясцовы)
Месца: House of legends, Subačiaus g. 15/2, Vilnius
Для дарослых будзе паэтычная імпрэза па вершах беларускіх паэтаў «Вось яны, а вось мы».
Разам з Уладзімірам Караткевічам, Максімам Багдановічам, Анатолем Сысам ды іншымі беларускімі аўтарамі паспрабуем адказаць на пытанні: у чым шукаць сілы, на што абапірацца ў наш непросты час, каб захаваць сябе, як асобу, як чалавека
. А пасля Маляваныч пакліча вас у чароўны свет дзяцінства: казкі, жарты, успаміны... Ён раскажа пра гісторыю беларускай батлейкі. Вы пабачыце батлеечны спектакль «Цар Ірад» і нават зможаце прыняць у ім удзел.
Квіткі коштам 19,59 еўра можна набыць па спасылцы.
