Масленіца ў Музеі народнай архітэктуры і побыту

Беларускі дзяржаўны музей народнай архітэктуры і побыту запрашае на мерапрыемства “Масленіца”

12 сакавіка 2016 года

з 12:00 да 17.00

Мы рады прапанаваць вясёлы адпачынак у самым прыгожым месцы пад Мінскам!

Толькі падчас нашага свята можна прыняць удзел адразу ў сямі днях масленічнага тыдня.

Вас чакае:

-“Сустрэча” (выпяканне бліноў, дзіцячая гульнёвая пляцоўка)

-“Зайгрыш” (гулянні, хаджэнне ў госці да гаспадароў, тэатр “Батлейка”)

-“Разгул” (абыход моладдзю двароў, абрад “калодка” для халастых)

-“Конскае свята” (аб’езд маладых коней і выезд бабкі-павітухі)

-“Цешчын вечар”(завітанне да цёшчы на бліны)

-“Залоўкіны пасядзелкі” (расповед пра масленічныя стравы маладой нявесткай)

-“Даравальная нядзеля” (абрад “прабачальная бяседа”).

Вы таксама зможаце:

♦ пачуць народную музыку і спевы ад вядомых фальклёрных калектываў

♦ паслухаць музычныя гурты:

“Рэха”, “Нагуаль”, “Мінскія музыкі”, “Мілавіца” і іншыя

♦ пакаштаваць бліны і іншыя масленічныя стравы

♦ паўдзельнічаць ў абрадзе “Пахаванне дзеда”

♦ пакатацца на верталёце, конях і санях

♦ спаліць пудзіла Марэны

♦ патанчыць на этна-дыскатэцы

Самых актыўных удзельнікаў свята чакаюць прызы!

Кошт квіткоў:

100 000 руб. – дарослыя, 50 000 руб. – вучні, дзеці дашкольнага ўзросту – бясплатна.

Сямейны квіток (2 дарослых + 2 дзіцячых) – 240 000 руб.

За дадатковую плату:

• традыцыйныя беларускія стравы ў карчме і кропках харчавання
• лепшыя сувеніры ад народных майстроў
• катанне на верталёце
• катанне на конях

Шаноўныя наведвальнікі!

Як нас знайсці?

Музей  знаходзіцца  ў  4-х км  ад  МКАД  за  аўтарынкам “Малінаўка” за в. Азярцо

Праезд ад аўтастанцыi «Паўднёва-Заходняя» прыгараднымі аўтобусамі ў накірунку: Мiнск – Гарадзiшча, Дубянцы, Н.Двор, Чыкі.

Падрабязная інфармацыя – www.etna.by

https://www.facebook.com/events/584454061704287/