У нядзелю, 1 верасня, у тбіліскім батанічным садзе ладзяць майстар-клас «Лінейныя накіды».
Дата: 1 верасня
Час: 12.00 (час мясцовы)
Месца збору: батанічны сад (на мапе — тут), Тбілісі
Разам з мастачкай Анастасіяй Аўралёвай будуць рабіць лінейныя накіды ўсяго, за чым можна паназіраць вакол.
Гэта будуць хуткія практыкаванні на развіццё пачуцця формы.
Спадарыня Анастасія распавядзе, як з дапамогай лініі выразна выявіць форму.
Такая практыка будзе карыснай як для прафесійных мастакоў і мастачак, так і для тых, хто трымаў аловак апошні раз у школе.
Працягласць майстар-класа — 1,5 гадзіны.
Маляваць будуць каляровымі алоўкамі, пастэллю, мялкамі, маркерамі. Усё неабходнае дадуць, але, калі ёсць любімыя матэрыялы, бярыце з сабой.
Бярыце з сабой:
дыванок ці посцілку, каб сядзець на траве
ваду і снэкі
Квіток у батанічны сад каштуе 4 лары.
Уваход вольны, рэгіструйцеся па спасылцы.
