У суботу, 20 ліпеня, у Кракаве ладзяць майстар-клас па маляванні эрбу «Летні настрой».
Дата: 20 ліпеня
Час: 16.00 (час мясцовы)
Месца: Прастора, ul. Mikołajska 4/6, Кракаў
Эрбу — гэта турэцкае мастацтва, дзе вы пры дапамозе спецыяльных фарбаў, пэндзлікаў, кійкоў і грабянцоў ствараеце на вадзе малюнак.
А потым адбываецца цуд! Нібы пры праяўленні фотастужкі, вы прыкладаеце паперу да кампазіцыі — і яна пераносіцца на аркуш.
Дзве асноўныя фішкі такога занятку — гэта тэрапеўтычны эфект ад медытатыўнасці малявання і магчымасць уласнаручна стварыць упрыгажэнне для свайго дому ці зрабіць камусьці файны падарунак.
Вядоўца — Вольга Сакольчык.
Эбру — яе хобі, якому спадарыня Вольга вучалася ў майстроў у Менску і Стамбуле, а цяпер з захапленнем пазнаёміць з тэхнікай усіх ахвотных.
Вы зможаце стварыць 3-4 малюнкі, што будуць адлюстроўваць бягучы эмацыйны стан, летні настрой і проста свабодныя вобразы.
Удзел — 50 злотых. Рэгіструйцеся па спасылцы.
