14 ліпеня ў Нацыянальнай бібліятэцы адбудзецца заключны майстар-клас па традыцыйных беларускіх рамёствах у межах выставы «Жывыя крыніцы» — і гэта будзе майстар-клас роспісу па шкле.
Дата: 14 ліпеня
Час: 15.00
Месца: Нацыянальная бібліятэка Беларусі (пам. 104), пр-т Незалежнасці, 116, Мінск
Разам з майстрыняй Нінай Шкурдзюк удзельнікі засвояць асноўныя этапы стварэння традыцыйнага малюнка на шкле і створаць уласнае пано з характэрнай кампазіцыяй, далікатнай ці насычанай каларыстыкай.
Сярод відаў дэкаратыўна-прыкладнога мастацтва роспіс займае адносна сціплае месца, бо распаўсюджвацца пачаў толькі напачатку ХХ стагоддзя. Малявалі беларусы на палатне, вясельных куфрах і на шкле.
Малявалі звычайна на прамавугольных кавалках шкла празрыстымі каляровымі лакамі, алейнымі і друкарскімі фарбамі без паўтонаў і колеравых пераходаў.
Абрысы малюнка спачатку прапрацоўвалі чорнай лініяй, потым залівалі фарбай. Асабліва папулярнымі былі раслінна-кветкавыя кампазіцыі. Напрыканцы працы мастак падкладваў пад шкло фольгу, што стварала своеасаблівы дэкаратыўны эфект.
У падобнай тэхніцы распісвалі дэкаратыўныя шкляныя рамкі для ікон і сямейных фотаздымкаў.
Даведацца падрабязнасці і запісацца на майстар-клас можна па тэлефоне (8 017) 293 27 50.
Наведванне майстар-класа ўваходзіць у кошт квітка на выставу «Жывыя крыніцы»:
для дарослых — 6 рублёў;
для студэнтаў — 3 рублі;
сямейны квіток (2 дарослых з дзіцём да 16 гадоў) — 11 рублёў;
сямейны квіток (2 дарослых з 2 дзецьмі да 16 гадоў) — 13 рублёў;
шматдзетныя сем’і (пры прад’яўленні дакумента) — 13 рублёў.
