Мінск святкуе Дзень горада
10.09.2022 - 11.09.2022
11:00 - 13:00
------------
Бясплатнае
У другую суботу верасня, то бок 10 верасня, Мінск традыцыйна святкуе Дзень горада. Па ўсім горадзе працуюць святочныя пляцоўкі ды ладзяцца імпрэзы. Расказваем, што дзе цікавага.
Дата: 10 верасня
Час: з 11.00
Месца: розныя лакацыі Мінска
У парку Горкага з 12.00 — канцэрты, гульні, інтэрактыўныя зоны ды кірмашы.
У Верхнім горадзе з 12.00 — гастрафэст беларускай кухні.
У дворыку «LIDBEER DVOR» (вул. Кульман, 1/8) з 12.00 — свята «Мінск сямейны».
У скверы па вул. Усходняй, 26 з 12.00 — пляцоўка стартапаў «Мінск прамысловы — ствараем РАЗАМ!».
У батанічным садзе з 11.00 — Дзень навукі.
У галерэі «Універсітэт культуры» (Кастрычніцкая плошча, 1) — выстава твораў дэкаратыўна-прыкладнога мастацтва, прымеркаваная да 955-годдзя Мінска.
У парку экстрэмальных відаў спорту (вул. Сталетава, 1) з 17.00 — моладзевы фэст.
На дзіцячай чыгунцы таксама святкуюць — з 12.00 да 13.30 (пр. Незалежнасці, 86). Побач, у парку Чалюскінцаў, з 12.00 — святочная праграма з канцэртам і актыўнасцямі.
Ля бібліятэкі Янкі Купалы з 12.00 — інтэрактыўная пляцоўка «Мінск у асобах — імянныя вуліцы горада» (вул. Веры Харужай, 16).
З 12.00 у парку Пісьменнікаў каля Нацыянальнай бібліятэкі — Свята дзіцячай кнігі (пр. Незалежнасці, 116).
Перасоўваемся на Цнянскае вадасховішча: там з 14.00 пазнавальна-забаўляльная праграма «Мінск турыстычны».
У парку Перамогі з 12.00 — свята ва ўсю моц. І асобна — Дзень танкіста. У 23.00 тут будзе феерверк.
Другі феерверк аб гэтым жа часе будзе каля Палаца спорту.
З 11.00 на зялёнай зоне ўздоўж праспекта Пераможцаў — фэст гістарычнай рэканструкцыі «Мінск старажытны» (ён працягнецца і ў нядзелю).
Ля Палаца спорту ад самага ранку — фэст народнай творчасці і кірмаш. З 9.00 тут таксама спаборніцтвы «Мацнейшы пажарны-выратавальнік», а з 12.00 — спартыўная імпрэза «Міжнародны Алімпійскі дзень» (пр. Пераможцаў, 4). У 18.00 тут пачынаецца святочны канцэрт і доўжыцца ажно да феерверка.
Святочная праграма да 955-годдзя Мінска адбудзецца і ў Мінскім заапарку (вул. Ташкенцкая, 40).
У «Чыжоўка-Арэне» — раённае свята, кірмаш, а з 13.00 — канцэрт «Мой Мінск, у сэрцы ты адзіны!» (вул. Ташкенцкая, 19).
Раённае свята «Любімай сталіцы прысвячаем» з 12.00 будзе ладзіцца ў Лошыцкім парку.
У парку «Курасоўшчына» з 13.00 — сваё раённае свята «Мая сталіца — жыцця майго крыніца» (вул. Каржанеўскага, 45).
А ў парку Паўлава з 11.00 — свята «Табе, мой Мінск, сталіца роднай Беларусі!».
Ну а зранку ў нядзелю, 11 верасня ў 9.00, на стадыёне «Дынама» стартуе Мінскі паўмарафон.
