Міжнародны веламарафон «Суседзi 2015»
Пачатак: 18.07 (09:00)Канец: 18.07 (17:00)
Аўгустоўскі канал, шлюз Дамброўка
Спартыўнае свята, якое ўжо палюбілася многім раварыстам і стала традыцыйным пройдзе на Аўгустоўскім канале 18 ліпеня. Кожны, хто мае ровар і шлем і жаданне добра правесці час, можа паспрабаваць сябе ў спаборніцтвах.
Для удзелу ў веламарафоне не існуе абмежаванняў ні па ўзросту, ні па прафесіяналізму. Кожны ўдзельнік сам выбірае для сябе дыстанцыю – марафон (60 км), паўмарафон (38 км) ці міні-марафон (9 км) і адну з 37 заліковых катэгорый.
Такі шырокі спектр магчымасцяў удзелу ў веламарафоне абяцае і вялікую колькасць прызоў. Арганізатары абяцаюць, што больш за сотню удзельнікаў атрымаюць узнагароды.
Звярніце увагу, што:
– Зараз магчымы камандны ўдзел у марафоне. Гэта не толькі дае шанец на дадатковыя ўзнагароды, але і паскарае працэс рэгістрацыі.
– Пераз стартам адбудзецца Дзіцячы заезд (200 м). Для ўдзелу ў ім бацькам трэба ўзяць з сабою ровары (ці бегавелы) і шлемы (!) для дзяцей.
Даведацца пра веламарафон больш падрабязна і падаць заяўку на ўдзел можна на старонцы веламарафона.
Праграма спаборніцтваў:
09.00 – 11.00 – рэгістрацыя ўдзельнікаў
11.30 – старт дзіцячага заезда
12.00 – старт Марафона
12.05 – старт Міні-марафона
12.20 – старт Паўмарафона
17.00 – узнагароджанне, закрыццё спаборніцтваў
