У суботу, 21 студзеня, у гонар 160-годдзя ад пачатку паўстання Каліноўскага беларускі фрык-тэатр «Ex tempore» паўтарае свой монаспектакль «Помста» ў Беластоку.
Дата і час: 21 студзеня
Час: 18.00 (час мясцовы)
Месца: Беларускі хаб «Новая Зямля», Stefana Wyszyńskiego 6A, Беласток
«Ішоў 1864 год... На прасторах Буйной Імперыі яшчэ нядаўна палыхала чацвёртае Вызваленчае Паўстанне...»
Нічога не нагадвае? Фурманка нашае Гісторыі завязла ў бруднай лужыне. Кожнае кола праварочваецца на месцы ў смярдзючай вадзе з імперскага усходу. Кожныя 30-40 год, цягам апошніх трох стагодзяў мы спрабуем вырвацца з гэтага бруду. Нехта скараецца, нехта сыходзіць з возу, а нехта — збіраецца з сіламі дзеля новай спробы.
Помста — гэта не мэта. Помста — доказ сабе, што ты яшчэ здольны. Помста — першы крок з цемры паразы і сутарэння адчаю. А ці зможам зрабіць наступныя?..
Гэтым спектаклем пачынаецца шэраг імпрэз, прымеркаваных да даты.
Уваход, здаецца, вольны.