У пятніцу, 17 лістапада, беларускі актор Рыгор Жураўлёў запрашае на свой монаспектакль «Гаспадар кавярні» па п’есе беларускага драматурга Паўла Пражко.
Дата: 17 лістапада
Час: 20.00 (час мясцовы)
Месца: Hamburger Sprechwerk, Klaus-Groth-Str. 23, Гамбург
Павел Пражко прапануе акцёру публічна прачытаць уласны маналог аб спробе напісаць новую п’есу.
Поўны раптоўных адступленняў і нечаканых высноў, гэты дасціпны, блытаны і жывы тэкст падобны хутчэй на даверную балбатню пра жыццё, чым на тэатральную п’есу.
Здаецца, далёкі ад тэатра і глядач «Гаспадара кавярні»: седзячы ў прасторы кавярні, ён усміхаецца жартам і сочыць за парадаксальнымі выгінамі аўтарскай думкі. Але да канца змушаны азірнуцца на гэты досвед запытальна: а што такое сёння тэатр? Якой можа быць п’еса? Яе герой? І дзе ў гэтым ва ўсім я?
Квіткі коштам 20 еўра можна набыць па спасылцы.
