Народзіны «Прасторы» ў Кракаве
01.02.2025
10:00 - 20:00
Прастора (ul. Mikołajska 4/6)
Бясплатнае
У суботу, 1 лютага, кракаўская «Прастора» святкуе ўгодкі і з гэтае нагоды запрашае на вялікую вечарыну.
Вось якая праграма:
10:00 — 11:00:
Пробны занятак па ёзе са спадарыняй Бажэнай
Занятак плэйбэк-тэатру
Гэта імправізацыйны від тэатральнага мастацтва, дзе акцёры спантанна адлюстроўваюць гісторыі гледачоў, ператвараючы іх у сцэнічныя мініяцюры.
Вы зможаце паспрабаваць сябе ў ролі акцёра ці актрысы і адчуць магію плэйбэка.
11:30 — 12:30:
Студэнцкі круглы стол пра Кракаў
Пагавораць пра тое, дзе ў Кракаве паесці смачна і танна, куды схадзіць, каб не было сумна, і як сэканоміць на студэнцкім жыцці.
Варкшоп для дзяцей па лепцы з гліны ад студыі керамікі «АРТ-Ў»
Будуць ляпіць фігурку коціка з гліны, якая не патрабуе выпалу, ды размалююць адпаведнымі фарбамі.
Кошт — 15 злотых.
13:00 — 14:00:
Варкшоп па роспісе міні-падсвечнікаў з гіпсу ад брэнда ўпрыгажэнняў P.A.W.A.
Поўная свабода фантазіі і час расслабіцца і не думаць пра праблемы.
Кошт — 15 злотых.
Інтэрактыўная чытанка па кнізе «Надзвычайны Дзень народзінаў» ад «Кніжнага выраю».
Дзеткі дапамогуць прынцэсе Лубіне падрыхтавацца да яе свята!
Пасля захапляльнай гісторыі маленькіх удзельнікаў і ўдзельніц чакае цікавы майстар-клас і святочны пачастунак.
14:30 — 15:30:
Размоўны клуб па-польску.
Тэма: «Святы і іх значэнне ў нашым жыцці».
Як мы святкуем святы, а як гэта робяць палякі?
Паразмаўляюць па-польску пра падобнае і рознае ў нашых традыцыях святкавання.
Занятак па фартэпіяна ад спадарыні Дар’і.
Першы занятак на 30 хвілін — для дзетак ад 4.5 гадоў. Другі занятак, а 15:00 — для дарослых.
Пазнаёміцеся з інструментам, настаўніцай і мастацтвам.
Вучні даведаюцца, як навучыцца граць, як выбраць інструмент і што галоўнае ў занятках.
16:00 — 17:00:
Народныя спевы з этнагуртам «Laleja» .
Спачатку вы паслухаеце невялікі выступ гурта, а пасля разам заспяваеце беларускія песні
Майстар-клас па сучасным вакале ад спадарыні Крысціны.
Занятак будзе карысны незалежна ад узроўню падрыхтоўкі.
Пройдзецеся па базавых, але істотных аспектах працы з голасам.
Як працуе галасавы апарат, як зрабіць гук гучным і бязбольным, як падпяваць на канцэрце / караоке і не страціць голас і шмат чаго іншага!
17:30 — 18:30:
Майстар-клас па традыцыйных беларускіх танцах
Сустрэча кракаўскага бізнес-клуба
Пазнаёміцеся з новымі ўдзельнікамі і ўдзельніцамі, абмяркуеце розныя ідэі і чым можа быць карысны гэты нетворкінг-клуб.
На некаторыя івэнты патрэбна рэгістрацыя — шукайце па спасылцы.
