Невядомая бульба: смачная сустрэча з Аленай Мікульчык у Мінску
19.09.2025
18:30 - 20:45
(вул. Кісялёва, 38 (1 паверх))
Бясплатнае
У пятніцу, 19 верасня, у лекторыі «Фрэскі» — смачная сустрэча з Аленай Мікульчык «Невядомая бульба».
Вы даведаецеся:
- Гісторыю бульбы ад дакалумбавай Амерыкі да нашых дзён.
- Дзе радзіма бульбы, колькі гатункаў ведалі індзейцы, ці рыхтавалі індзейцы дранікі. Як захоўвалі бульбу індзейцы.
- Чаму бульба магла зусім знікнуць з ужывальных культур падчас заваёвы Амерыкі еўрапейцамі.
- Хто насамрэч першым прывёз бульбу ў Еўропу.
- Як еўрапейцы прынялі бульбу і чаму ў адных краінах яе забаранялі, а ў іншых сілком высаджвалі.
- Як бульба спрыяла гібелі мільёнаў ірландцаў у 19 стагоддзі.
- Каго насамрэч можна назваць «бульбашамі». Спойлер: гэта не беларусы. Пра кухню французскіх каралёў і бульбу. Так елі ці не бульбу Людовік 16 і Марыя Антуанэта.
- Калі бульба з’явілася ў Беларусі і як яе прынялі беларусы.
- Старадаўнія рэцэпты 1830 года, як тады гатавалі бульбу.
- Калі і як з’явіліся каларадскія жукі.
- Сапраўдная і праўдзівая гісторыя дранікаў, пасля якой ваша жыццё падзеліцца на да і пасля.
Таксама вас чакае дэгустацыя: чорнае чуньё -рэканструкцыя індзейскага рэцэпту з бульбы.
Спойлер: індзейцы зусім інакш ставіліся да бульбы. Смак гэтай стравы вас здзівіць, гэта не падобна да тых страў, што гатуюць беларусы і еўрапейцы.
Таксама за асобную плату можна будзе пакаштаваць ерафееўку (народны напой на кары дуба, травах і спецыях) і залаты гіпакрас часоў Людовіка 16-га (напой на аснове віна з шафранам і ядомым золатам).
Спікерка —
Алена Мікульчык, шэф-кухарка, экспертка беларускай і славянскай кухні, гісторык кулінарыі.
Кошт —
30 рублёў пры папярэдняй аплаце ці
35 рублёў на ўваходзе. Месцаў абмежавана, таму запісвайцеся па спасылцы ўнізе.
