У суботу, 18 траўня, Нацыянальны цэнтр сучасных мастацтваў далучаецца да Ночы музеяў.
Дата і час: 18 траўня з 19.00 да 23.30
Месца: НЦСМ, вул. Някрасава, 3, Мінск
Падрабязную праграму глядзіце на выяве.
Госці змогуць азнаёміцца з выставамі пад музычнае суправаджэнне ад дыджэя Дзмітрыя Ціхановіча.
Будзе творчая сустрэча з мастаком і аўтарам выставы «З вечнасці ў вечнасць» Ігарам Кашкурэвічам.
Праграма працягнецца лекцыяй аб картах Таро і майстар-класам па стварэнні сваёй індывідуальнай карты.
Таксама прапануюць наведаць нестандартную медытацыю, якую правядзе мастак Руслан Сяргееў, расслабіцца і атрымаць асалоду ад гуку спяваючых чар і прыроды.
Для аматараў адукацыйнага кантэнту падрыхтавалі лекцыйную частку — вы зможаце наведаць лекцыю-дыскусію «Самыя паспяховыя мастакі па версіі НЦСМ», якую правядзе мастацтвазнаўца Алеся Іназемцава.
Таксама будзе лекцыя «Энтузіязм да архітэктуры: нефармальная адукацыя», на якой каманда сучасных архітэктараў і урбаністаў падзеліцца досведам удзелу ў архітэктурных конкурсах і раскажа: якое гэта быць актыўным архітэктарам-энтузіястам у Беларусі (для наведвання мерапрыемства абавязковая рэгістрацыя).
Дадасць у вечар рамантыкі і жарсці перфоманс «ДВОЕ. Метамарфозы», прысвечаны тэме стасункаў паміж закаханымі.
На працягу ўсяго вечара будзе магчымасць адцягнуцца ад паўсядзённых спраў і пагуляць у настольныя гульні або адпачыць у чыл-зоне.
Кошт — 20 рублёў. На некаторыя івэнты патрэбная рэгістрацыя, то рэгіструйцеся па спасылцы.
