У суботу, 13 траўня, Віленскі беларускі музей імя І. Луцкевіча ладзіць Ноч музеяў. Будзе шмат цікавага!
Дата: 13 траўня
Час: з 16.00 (час мясцовы)
Месца: Віленскі беларускі музей імя І. Луцкевіча, Vilniaus, 20, Вільня
З 16:00 — МІНІ-КІРМАШ
У чырвоным намёце на падворку можна набыць кніжкі на беларускай мове, а таксама вырабы беларускіх майстроў.
З 16:30 да 18:00 — традыцыйныя беларускія гульні для дзетак і дарослых (калі яны захочуць).
З 16.30 да 20.00 — квэст! Старт і рэгістрацыя камандаў — на Падворку.
Стартаваць і фінішаваць можна ў любы час з 16:30 да 20:00!
Пры рэгістрацыі каманда атрымлівае заданні (на выбар: на беларускай, ангельскай ці літоўскай мовах) і адзначае час старту. Кропкі могуць быць статычныя, а могуць быць рухомыя (падказка: шукайце валанцераў), могуць быць унутры музея, а могуць на Падворку.
Калі ўсе заданні пройдзеныя, трэба вярнуць аркуш з заданнямі на пункт рэгістрацыі і адзначыць час фінішу.
Перамагае каманда, якая выканае заданні правільна і як найхутчэй. Першыя тры каманды атрымаюць прызы!
ВЫСТАВЫ:
з 16:00 «Гісторыя беларускага супраціву» (унутры музея);
з 18:00 «Таямніцы старадаўняй тыпаграфіі» (буйная зала). Можна паглядзець старыя мапы і зрабіць адбітак на тыпаграфскім станку.
МУЗЫКА І ТАНЦЫ:
19:30 — 20:00 — выступ гурта «Беларускі цуд»;
20:00 — 21:00 — выступ дудара і майстар-клас па беларускіх традыцыйных танцах;
21:00 — узнагароджанне пераможцаў квэсту!
І вядома ж, МАЙСТАР-КЛАСЫ ў бібліятэцы:
16:30 — 17:30: птушка з саломы
17:30 — 18:30: вышыўка ахоўнага арнаменту процягам
18:30 — 19:30: выраб традыцыйнай тэкстыльнай лялькі
На іх можна яшчэ запісацца па спасылцы.
А пасля 21.00 запрашаюць на духмяную гарбатку!
Уваход — рэкамендаваны данат у 5 еўра.
Гэта значыць, што можна і нічога не пакідаць, можна пакінуць больш, а можна роўна 5 еўра. Усе данаты пойдуць на развіццё Музея і Цэнтра беларускай супольнасці й культуры ў Вільні.
Вітаюцца госці ў традыцыйных строях ці апранутыя ў «беларускім стылі».
