Літаратура Канцэрты Іншае Мінск

Ноч музеяў у музеі Янкі Купалы: “Будзь ЯК!”

Пачатак: 20.05 (19:00)
Канец: 20.05 (19:00)
Музей Янкі Купалы

(Мінск, вул. Янкі Купалы, 4)

Кошт: 1 рубель

Дзяржаўны літаратурны музей Янкі Купалы запрашае ўсіх павіншаваць Песняра з юбілеем у рамках Міжнароднай акцыі “Ноч музеяў”, якая адбудзецца 20 мая 2017 года і пройдзе пад дэвізам: «Будзь ЯК!» Будзь як Янка Купала: таленавітым і закаханым, стыльным і элегантным, маладым і крэатыўным!

У залах музея наведвальнікам будзе прапанавана ўнікальная магчымасць:

• паразважаць над тым, за якія дасягненні Янка Купала ў свой час мог атрымаць Нобелеўскую прэмію ў галіне літаратуры.
• прайсці пасвячэнне ў таварыства філаматаў і філарэтаў.
• прыняць удзел у майстар-класе па гістарычных танцах.
• пазнаёміцца з беларускай геральдыкай.
• убачыць канцэртную праграму тэатра “Жывое слова”.
• патрапіць на Парнас.
• завітаць у госці да Песняра.
• зрабіць адметныя фотаздымкі з лётчыкамі.
• раскрыць таямніцу “Кода Купалы”.

Толькі адзін раз у год!

Толькі адну ноч!

Толькі 1 рубель!