ПАДЗЕЯ ДНЯ: Паказ беларускіх фільмаў на вольным паветры «Пад агульным небам» у Варшаве

28.08.2024 20:00 - 22:30 дворык Centrum Myśli Jana Pawła II (Foksal 11) Бясплатнае

У сераду, 28 жніўня, у Centrum Myśli Jana Pawła II адбудзецца летні паказ беларускіх фільмаў з праграмы фэста BULBAMOVIE.

Дата: 28 жніўня

Час: 20.00 — уводзіны ад дырэктара фэста, 20.30 — пачатак сеанса (час мясцовы)

Месца: дворык Centrum Myśli Jana Pawła II, Foksal 11, Варшава

У праграме:

РАСКІДАНАЕ ГНЯЗДО (рэж. Валерый Нескарадзяны)

Хвалюючы дакументальны фільм пра лёс сям’і Шымко, вымушанай пакінуць родны дом у Беларусі, каб папрасіць палітычнага прытулку ў Францыі.

Іх падарожжа ператвараецца ў барацьбу за выжыванне, калі яны аказваюцца ў пастцы краіны, адкуль спрабавалі ўцячы.

Аднак мары герояў выходзяць далёка за нацыянальныя межы.

МАРА (рэж. Саша Кулак)

У 2020 годзе Мінск становіцца арэнай масавых антыўрадавых пратэстаў.

Грамадзяне выходзяць на вуліцы, каб абараніць свае мары і супрацьстаяць беспарадкам, у якім яны жывуць гадамі.

Мы сочым за гэтымі падзеямі з Марай, сведкай прэзідэнцкіх выбараў у Беларусі, якая ўцякае ад рэальнасці ў свет мараў.

АПОШНЯЯ НАЧНАЯ ЗМЕНА (рэж. Максім Швед)

Начная змена ў навагоднюю ноч у адным з варшаўскіх хостэлаў стала кашмарам для дзяўчыны, якая працавала на рэцэпцыі.

Яна выратавала госцю жыццё — і гэта быў толькі пачатак гэтай надзвычай напружанай ночы.

Уваход вольны!

дадаць у google каляндар

Вам можа быць цікава