3 жніўня Беларускі Дом разам з Centrum Myśli Jana Pawła II запрашае на летні паказ трох беларускіх фільмаў на вольным паветры ў дворыку Музея Вольнай Беларусі.
Дата: 3 жніўня
Час: 20.15 — размова з кінематаграфістамі, 21.00 — пачатак сеанса (час мясцовы)
Месца: дворык Музея Вольнай Беларусі, Foksal 11, Варшава
У праграме:
ЧЫСТАЕ МАСТАЦТВА (2019) рэж. Максім Швед Дакументальны, 51 ′ Таямнічы мастак з’яўляецца ў розных кутках Мінска.Ён разгортвае палатно і пачынае маляваць. Пад яго пэндзлем паўстаюць таямнічыя геаметрычныя фігуры, прастакутнікі і квадраты ...Крок за крокам мы знаёмімся з мастаком усё бліжэй і бліжэй.
ЭПІТАФІЯ (2020) рэж. Віктар Аслюк Дакументальны, 28′ Беларускі некропаль. Для кагосьці гэта месца спаткання з памерлымі сваякамі, месца для рэкалекцый і малітвы, хтосьці шукае сляды мінулага, хтосьці шпацыруе, а трэція бавяць час... за сямейнымі бяседамі.
СОЙКА (2021) рэж. Анастасія Сергіеня Караткаметражка, 15 ′ Беларуская эмігрантка Ганна жыве пад пастаянным ціскам і, як правіла, робіць адчайныя крокі, каб ажыццявіць свае творчыя мары і дасягнуць поспеху ў Нью-Ёрку.
Уваход вольны!
