Паказ кінафэста BULBAMOVIE у Міхалове
03.02.2024
17:00 - 19:00
PFDF Michałowo (Fabryczna 33)
Бясплатнае
У суботу, 3 лютага, у Міхалове пад Беластокам адбудзецца паказ фільмаў з праграм фестываля беларускага кіно BULBAMOVIE.
Дата: 3 лютага
Час: 17.00 (час мясцовы)
Месца: PFDF Michałowo, Fabryczna 33, Міхалова
У праграме:
«Да апошняга» (рэж. Наста Карповіч, 2023 г.)
Вёска Бялкова, размешчаная ля нямецкай мяжы, не з’яўляецца звычайнай польскай вёскай. Пасля Другой сусветнай вайны сюды дэпартавалі жыхароў беларускага Палесся.
Тут, у зусім чужой мясцовасці, былыя палешукі захоўвалі традыцыі свайго народу, моцна ўкаранёныя ў паганстве.
Нягледзячы на тое, што мінула амаль 80 гадоў, у вёсцы захоўваецца самабытная культурная спадчына: песні, танцы, касцюмы і абрады.
Тут рэгулярна праходзіць фестываль традыцыйнай палескай песні і музыкі.
У вёсцы засталіся лічаныя людзі, якія перажылі перасяленне і памятаюць, што адчуваеш, калі вымушаны пераязджаць з адной краіны ў іншую, з аднаго свету ў зусім іншы.
Менавіта гэтыя жыхары выхавалі зусім новае пакаленне. Пакаленне людзей, якія натуральным чынам спалучылі ў сваім жыцці польскасць і беларукасць.
«І зноў Беларусь» (рэж. Іван Фёдараў, 2022)
У канцы 2021 года мінчане сталі сведкамі міграцыйнага крызісу, справакаванага беларускімі ўладамі. Тысячы грамадзян Іракскага Курдыстана запоўнілі цэнтр сталіцы Беларусі ў чаканні шэсця да мяжы з Польшчай.
Гэта гісторыя чатырох курдаў з тысячы, якія афіцыйна прыехалі ў Беларусь з турыстычнымі паездкамі, арганізаванымі турфірмамі.
Аповед пра час, праведзены ў Мінску, сяброўства, веру і далейшыя наканаванні. Пра лёс Курдыстана на мяжы двух светаў: усходняга і заходняга.
Вядоўцы — чальцы каманды «Бульбамуві» Януш Гаўрылюк і Мікалай Лаўранюк.
Уваход, здаецца, вольны.
