У аўторак, 25 чэрвеня, прадзюсерская ініцыятыва INEXKULT распачынае тэатральны INEX FEST II і запрашае на перфарматыўнае чытанне «Па што ідзеш, воўча?» паводле Святланы Курс (Евы Вежнавец).
Дата: 25 чэрвеня
Час: 19.00 (час мясцовы)
Месца: Інстытут Тэатральны, Jazdów 1, Варшава
Рына — алкагалічка, ей каля 40. Яна вяртаецца з Дармштадта ў сваю родную вёску на Палессі, у Беларусі, на пахаванне сваёй 102-гадовай бабулі.
За сваё доўгае жыццё бабуля перажыла дзве вайны, дзевяць змен улады і перанос межаў у роднай вёсцы.
У плыні свядомасці, у якой унутраны маналог унучкі цяжка адрозніць ад маналогу бабулі, падымаецца доўга забытая і падаўленая тэма: каланізацыя Усходняй Еўропы.
Удзел бяруць Моніка Давідзюк, Вольга Грыгараш, Яўгенія Кульбачная, Святлана Зелянкоўская
Рэжысура і сцэнічны дызайн — Моніка Дабраўлянска
Мовы — беларуская, польская, украінская, руская, нямецкая.
Уваход вольны, і будуць удзячныя за данаты. Рэгіструйцеся па спасылцы.
