У суботу, 26 жніўня, пісьменні:ца і квір-фем актывіст:ка тоні лашдэн запрашае на пісьменніцкі варштат «Сям’я, якая ў мяне была (і тая, якой не было)» у Варшаве.
Дата: 26 жніўня
Час: 19.00 (час мясцовы)
Месца: каворкінг Free Belarus Centre, Mokotowska 24, Варшава
Якія гісторыі мы захоўваем у нашай сям’і, а якія знікаюць без следа?
На якой мове мы размаўляем і чаму?
Што мы захоўваем у сямейных нарратывах, а што выцясняем?
Разам з тоні лашдэн, мінск:ай пісьменні:цай і квір-фем актывіст:кай, абмяркуеце сувязь між сямейнай памяццю і беларускай культурай і напішаце невялікія тэксты пра дом і сям’ю.
Прапануюць абмяркоўваць (і пісаць пра!) пакаленні нашых прабабуль і прадзядуляў.
Варштат падыдзе для ўсіх, каму цікава пазаймацца пісьменніцкімі практыкамі ў камфортнай і сяброўскай кампаніі.
Вам не трэба мець досведу ў пісьме, каб паўдзельнічаць.
Вы можаце ўдзельнічаць на беларускай, украінскай, ангельскай ці рускай мове (на гэтых мова фасілітатар:ка зможа даць інструкцыі), а пісаць — на любой!
Удзел бясплатны. Рэгіструйцеся па спасылцы.
