«План Бабарозы» ў Вільні –16 чэрвеня
Пачатак: 16.06 (15:00)Аўдыторыя 108
Запрашаем вас на прэзентацыю новай кнігі Паўла Касцюкевіча “План Бабарозы”.
Крыху вар’яцкая, бязглуздая, але такая родная Беларусь становіцца месцам і духам разгортвання падзей жыцця адной сталічнай сям’і. Самі ж галоўныя героі іранічна і метафарычна перадаюць адметны вобраз сваёй краіны ў ХХ стагоддзі. Складаныя зносіны пакаленняў, часоў і лёсаў – гэта “хронікі беларускай матрыярхіі”, пераказаныя ў лёгкай і займальнай манеры ў кнізе “План Бабарозы”.
На сустрэчы 16 чэрвеня сам аўтар Павал Касцюкевіч распавядзе пра тое, як стваралася кніга і што ў выніку атрымалася. На прэзентацыю таксама завітае адмысловы госць Вітас Дэшкніс – літоўскі паэт, які займаецца перакладам твораў беларускай літаратуры.
Шмат літаратурных адкрыццяў чакае вас 16 чэрвеня а 15.00 у аўдыторыі 108 Еўрапейскага Гуманітарнага Універсітэту ў Вільні.
