«Праектуючы мемарыялы. Нікога не хачу пакрыўдзіць...»: анлайн-лекцыя пра культуру памяці

Пачатак: 23.02 (18:30)
Канец: 23.02 (20:00)
анлайн

23 лютага урбаністычная ініцыятыва «Добры горад» кліча на лекцыю Марыны Сяменчанка, прысвечаную праблемам захавання гістарычнай памяці ў помніках і мемарыялах.

Дата: 23 лютага

Час: 18.30 (час мінскі)

Месца: анлайн

У грамадскіх прасторах нярэдка сутыкаюцца інтарэсы і светапогляд розных сацыяльных груп. А ў такіх грамадскіх прасторах, як месцы памяці, гэтыя сутыкненні могуць быць асабліва балючымі.

Верагодна, па гэтай прычыне іх праектаваньне патрабуе іншага ці проста больш уважлівага падыхода, больш глыбокіх ведаў кантэкста, больш шчыльнага кантакту з мэтавымі аўдыторыямі.

На прыкладзе беларускіх і замежных месц памяці лектарка Марына Семенчанка раскажа:

— як дамінуючая культура памяці вызначае знешні выгляд мемарыялаў;

— як ацэньваюць мемарыялы, і якія з іх можна лічыць «удалымі»;

— ці можна спраектаваць мемарыял, не закрануўшы чыіхсьці пачуццяў, і ці патрэбна да гэтага імкнуцца.

Для удзелу запоўніце, калі ласка, форму рэгістрацыі.