19 красавіка ў Берліне ладзяць дыскусію, прысвечаную беларускім пратэстам і руху супраціву як такому.
Дата: 19 красавіка
Час: 19.00 (час мясцовы)
Месца: тэатр «HAU Hebbel am Ufer», Stresemannstr. 29, Берлін
Пры якіх абставінах узнікаюць такія пратэсты, якія адмаўляюцца ад гвалтоўных метадаў? Чаго яны дасягаюць? Прагрэс, бесперапынны працэс ці рэгрэс? Дзе знаходзіцца іх адпраўная кропка, і які іх канчатковы пункт прызначэння? Як зразумець дысананс паміж практыкай мірных пратэстаў і іх утапічнымі гарызонтамі? Гэтыя пытанні будуць абмяркоўвацца прымяняльна да розных частак свету і палітычных сістэм.
У дыскусіі возьмуць удзел беларуская даследчыца Вольга Шпарага, рэжысёрка і пісьменніца Луіза Меер, Бёррыс Неэ, каардынатар Міжнароднай даследчыцкай групы па аўтарытарызме і контрстратэгіі (IRGAC) Фонду Розы Люксембург.
Мадэратарка — Таня Арцімовіч.
