На наступным тыдні, 2, 3 і 4 лютага, у Берліне адбудзецца прэм’ера спектакля «Крэмулятар» паводле рамана Сашы Філіпенкі.
Дата: 2 і 3 лютага ў 19.00, 4 лютага ў 18.00
Месца: Säälchen, Holzmarktstraße 25, Берлін
«Крэмулятар» — гэта гісторыя лётчыка і белагвардзейскага афіцэра Пятра Несцярэнкі, які пасля працяглых нягод эміграцыі пачатку ХХ стагоддзя заключае дамову з Саветамі і вяртаецца на радзіму.
Гэта гісторыя пра жангліраванне і выбар уласнай праўды, пра яе сціранне і непазнавальнасць для многіх пакаленняў, пра эміграцыю і вайну мінулага стагоддзя; пра веру, вялікае каханне, якое нічога не значыць, калі самы адданы глядач — тыран.
Рэжысёр — Максім Дзізенка.
Спектакль ідзе на рускай мове з нямецкімі субтытрамі.
Квіткі коштам ад 50 еўра бярыце па спасылцы.
