Прэзентацыя аўдыёспектакля «Brest HERstory» ў Варшаве

 

У панядзелак, 19 траўня, у Варшаве адбудзецца прэзентацыя аўдыёспектакля «Brest HERstory» пра жаночую гісторыю Брэста часоў Другой сусветнай вайны.

У 2017 г. тэатр «Крылы халопа» распачаў цыкл дакументальных аўдыёспектакляў у прасторы горада Brest Stories Guide і прадставіў першы аўдыётур пра Брэсцкае гета.

Brest HERstory — гэта погляд на гістарычныя падзеі праз лёсы і дзейнасць жанчын.

Крыніцамі сталі архіўныя матэрыялы і фота, апублікаваныя тэксты і сведчанні, дзённікі і інтэрв’ю.

Апавяданне пачынаюць з 1939 г. і паказваюць, як змянялася сітуацыя ў Брэсце з прыходам савецкай і нямецкай улад. Далей апісваюцца падзеі, звязаныя са сталінскімі рэпрэсіямі і дэпартацыямі ў 1939-1941 гг.

Расказваюць пра ўдзел жанчын у падзеях у Брэсцкай крэпасці ў чэрвені 1941 года, пра стварэнне і знішчэнне яўрэйскага гета, пра жаночы яўрэйскі супраціў.

Сваё месца таксама знайшлі гісторыі пра жанчын Брэсцкага камуністычнага падполля, практыкі клопату і выжывання, жанчын-остарбайтэраў, а таксама пра тое, з чым давялося сутыкнуцца жанчынам пасля вайны.


Brest HERstory прадставіць Аксана Гайко, ініцыятарка і аўтарка праекта.


Праект даступны на беларускай і рускай мовах.

Мова імпрэзы — беларуская.



Уваход вольны. Рэгіструйцеся па спасылцы.