У пятніцу, 21 сакавіка, у CreateCulture Space адбудзеццца прэзентацыя штогадовага альманаха па культурнай спадчыне «CTRL+S».
Сёлета яго тэма — «Права на спадчыну».
Большасць артыкулаў прысвечаны арганізацыям, якія працуюць з мясцовай спадчынай, рэалізоўваючы яе сацыяльны патэнцыял.
Назва альманаха «CTRL+S» -кампутарная каманда «захаваць» — гэта спроба вырвацца за межы сэнсавых клішэ, знайсці новую мову для працы з культурнай спадчынай, якая не ігнаруе рэальнасць XXI стагоддзя.
Галоўны рэдактар альманаха — Сцяпан Стурэйка.
Альманах — гэта вельмі прыгожае каляровае выданне, якое друкуецца абмежаваным накладам. Зрабіўшы данат у 15 еўра па спасылцы, вы атрымаеце магчымасць гарантавана яго атрымаць падчас прэзентацыі 21 сакавіка (або ў іншы зручны час).