30 лістапада ў Вільні адбудзецца прэзентацыя-дыялог кнігі «Солидарность потрясенных. Эссе о Беларуской революции» з аўтаркай філосафкай Таццянай Шчытцовай.
Дата: 30 лістапада 2024
Час: 17.00 (час мясцовы)
Месца: Цэнтар беларускай супольнасьці й культуры ў Вільні [Vilniaus, 20]
Як з’явіліся «мы»?
Як і чаму салідарызаваліся тыя, хто не ведаў адзін аднаго да лета 2020?
Новы калектыўны палітычны суб’ект — гэта ўсё яшчэ мы, ці салідарнасць растала ў драматычнай паўсядзённасці?
Мірны пратэст — безумоўная стратэгія ці памылка?
Мы не можам спыніцца асэнсоўваць такія пытанні, ад адказу на іх залежыць наша персанальная і агульная будучыня — то давайце сабяромся паслухаць і паразважаць!
Гэта будзе вечар інтэлектуальнай працы, аналізу ды асэнсавання. Годнасці ды ўдзячнасці тым, хто побач. Вечар прэзентацыі кнігі-даследавання, вечар дыялогу.
Калі ласка, зарэгіструйцеся.
Да добрай сустрэчы ў апошні дзень восені!
