Прэзентацыя кнігі Алеся Аркуша «Вечар — як сон, у якім шмат агнёў» у Беластоку

У панядзелак, 20 лістапада, у Беластоку прэзентуюць новую кнігу Алеся Аркуша «Вечар — як сон, у якім шмат агнёў», якая утрымлівае раман «Спадчына» і шэраг апавяданняў, напісаных у розныя часы, у тым ліку і найноўшыя.

---

 Дата: 20 лістапада

Час: 18.00 (час мясцовы)

Месца: беларускі хаб «Новая Зямля», ul. Wyszyńskiego 6a, Беласток 

Бадай з усіх кніг Алеся Аркуша — гэтая самая прыгодніцкая. Пад адну вокладку сабраныя найбольш адметныя героі яго прозы: Іван Шагойка, які падрабляў для партызанаў накладныя на нямецкія склады, і партызаны па іх паспяхова атаварваліся; айцец Феафіл, які захоўваў у магіле ля царквы каштоўнасьці, сабраныя для арміі Булак-Балаховіча; мастак Алесь Пушкін, які шукаў для Беларусі славуты Келіх Грааля і іншыя героі, сярод якіх і сам аўтар, які ўсё гэта напісаў і ва ўсім гэтым прысутнічае. 

Кнігу выдаў Фонд Kamunikat.org. 

На прэзентацыі можна будзе набыць кнігу і атрымаць аўтограф. Уваход вольны.