У чацвер, 13 чэрвеня, у хабе «Новая Зямля» прэзентуюць кнігу Юры Грыбоўскага «Беларусы ў польскім войску: 1919-1947».
Дата: 13 чэрвеня
Час: 18.00 (час мясцовы)
Месца: беларускі хаб «Новая Зямля», ul. Wyszyńskiego 6a, Беласток
Спадар Юры распавядзе пра ўдзел беларусаў у рэгулярных фармаваннях Польскага Войска:
у перыяд польска-савецкай вайны;
у міжваенны час;
у гады Другой сусветнай вайны;
пасля яе заканчэння.
Аўтар засяродзіў увагу на стаўленні польскіх грамадзян беларускай нацыянальнасці да выканання жаўнерскага абавязку, палітыцы польскіх улад да вайскоўцаў-беларусаў, іх удзеле ў баявых дзеяннях на тэрыторыі Польшчы, Беларусі, Італіі, Францыі, Галандыі, Бельгіі, Нямеччыны, Вялікабрытаніі, Нарвегіі, Паўночнай Афрыкі, Атлантычным акіяне.
Даследуе ён і пасляваенны лёс гэтых людзей. Кніга прысвечана дзясяткам тысяч беларусаў, якія ахвярна змагаліся ў польскім войску і былі забытыя на бацькаўшчыне.
У сустрэчы бярэ ўдзел рэдактар кнігі прафесар Алег Латышонак.
Кнігу можна набыць толькі за наяўныя.
Уваход вольны.