У нядзелю, 27 кастрычніка, у Беларускім Доме адбудзецца тэатральная прэзентацыя спеўніка Ларысы Сімаковіч і Барыса Жанчака для маленькіх «Мілыя мясціны» для беларусаў усяго свету.
Дата: 27 кастрычніка
Час: 12.00 (час мясцовы)
Месца: Беларускі Дом, ul. Kryniczna 6, Варшава
Унікальная музычная анталогія створана з мэтай захавання і распаўсюду багатай беларускай музычнай культуры.
У межах прэзентацыі маленькія артысты студыі «Купалінка» прэзентуюць музычны спектакль, у аснове якога — песні са зборніка, аб’яднаныя ідэяй каляндарнага цыкла, які адлюстроўвае, як дзеці і падлеткі адзначаюць святы цягам усяго года.
Вы пачуеце, а можа — і паспяваеце — новыя песні, а таксама зможаце атрымаць спеўнік у падарунак.
Уваход вольны.
