Прэзентацыя аднаго шэдэўра: “Шведскі каларыт”
28.10.2016
19:00 - 19:00
Нацыянальны мастацкі музей Рэспублікі Беларусь (вул. Леніна, 20)
Бясплатнае
Напрыканцы кожнага месяца адбываецца шматграннае адкрыццё забытых і славутых помнікаў мастацтва ў галоўным музеі краіны!
Мастацкі кіраўнік праекта – заслужаны дзеяч мастацтваў Беларусі, кандыдат мастацтвазнаўства,
генеральны дырэктар НММ РБ Уладзімір ПРАКАПЦОЎ;
Музычны кіраўнік праекта – лаўрэат міжнародных конкурсаў,
фагатыст і дырыжор Аляксей ФРАЛОЎ.
Тэрмін “канцэрты-лекцыі” зусім не дастатковы для апісання гэтага мультымастацкага і шматграннага для культуры праекта. У ім можна ўбачыць і самі Шэдэўры з запаснікоў Музея, і прывезеныя спецыяльна на кароткі час невядомыя але ўнікальныя артэфакты.
Публіка прысутнічае на сапраўднай элітарнай прэзентацыі, дзе яднаюцца навукова-папулярная лекцыя, і раскошная канцэртная частка з элементамі тэатралізацыі і перфомансу. Тут можна пачуць самыя прыгожыя і славутыя музычныя творы светнай класікі і архіўныя скарбы, толькі што “адкапаныя” у “культурных слаях” у выкананні лепшых беларускіх музыкаў. “Каляндар адкрыццяў” сінхранізіраваны з канкрэтнымі важнейшымі датамі сусветнай і айчыннай культуры.
28 кастрычніка ў 19-00 адбудзецца 2-я прэзентацыя цыкла – “Шведскі каларыт”, дзе будзе прадстаўлены адзіны ў Беларусі твор шведскага мастака – жанравая сцэна «Пасля палявання» Б. Нордэнберга. Музычная праграма прысвечана 150-годдзю шведскага генія-рамантыка Тора Аўліна (прэм’ера ў Беларусі) ў выкананні Ансамбля салістаў “ВЫТОКІ”.
