Прэзентацыя “Гістарычнага слоўніка беларускай мовы”
Пачатак: 22.02 (18:30)Канец: 22.02 (18:30)
Музей Якуба Коласа
Інстытут мовазнаўства імя Якуба Коласа, установа “Дзяржаўны літаратурна-мемарыяльны музей Якуба Коласа” запрашаюць Вас 22 лютага 2018 года а 18.30 на імпрэзу “Па старонках “Гістарычнага слоўніка беларускай мовы”, якая прымеркаваная да Міжнароднага дня роднай мовы
У праграме мерапрыемства запланаваны выступленні акадэміка НАН Беларусі Аляксандра Лукашанца, дырэктара Інстытута мовазнаўства імя Якуба Коласа Ігара Капылова. Разам з загадчыкам аддзела гісторыі беларускай мовы Наталляй Паляшчук мы пагартаем старонкі “Гістарычнага слоўніка беларускай мовы” і паразважаем над яго роляй у развіцці беларускай мовы і культуры. Акрамя таго, мы прапануем вам навучыцца чытаць старадаўнія тэксты. У гэтай нялёгкай справе нам дапаможа Ірына Будзько, загадчык кафедры беларускай і рускай моў БНТУ, вядучы навуковы супрацоўнік аддзела гісторыі беларускай мовы Інстытута мовазнаўства імя Якуба Коласа.
Каб паўнавартасна прасякнуцца атмасферай гістарычнасці і акунуцца ў свет мелодый нашых продкаў для вас будзе спяваць дуэт “ČARKA”. Уваход вольны!
Сардэчна запрашаем!
Адрас музея: г. Мінск, вул. Акадэмічная, 5.
Тэл. 284 -17- 02
Афіцыйны сайт: www.yakubkolas.by
