Літаратура Мінск
кнігарня "логвінаЎ"
Прэзентацыя кнігі Антона Францішка Брыля “Ян Ялмужна”
Пачатак: 12.12 (19:00)кнігарня "логвінаЎ"
(Мінск, пр-т Незалежнасці, 37а)
12 снежня ў 19:00 адбудзецца прэзентацыя кнігі Антона Францішка Брыля “Ян Ялмужна” – казкі для дарослых, дзеянне якой адбываецца ў пачатку XVI стагоддзя ў Геранёнах.
Месца: кнігарня “логвінаЎ”, г. Мінск, пр-т Незалежнасці, 37а.
Уваход вольны!
Імпрэза ладзіцца ў межах кампаніі “Будзьма беларусамі!”.
Пан Ольбрахт Гаштаўт – гаспадар Геранёнскага замка, магутны ваяр, важны ўраднік і найвялікшы ў краі аматар паданняў аб няўпомных часах. Пакоі Гаштаўта размаляваныя дзіўнымі фрэскамі, вакол яго двароў стаяць старажытныя лясы, а ў лясах і на ўзлесках чыняцца небывалыя справы. Але пана Ольбрахта ніякія цуды, здаецца, не здзіўляюць – ён і сам не просты, і знаёмцы ў яго незвычайныя. І нават пра яго кухмістра Яна Ялмужну можна расказаць цэлую казку.
