Прэзентацыя кнігі “Лісты Круцяля”
Пачатак: 19.12 (18:00)Канец: 19.12 (20:00)
кнігарня "Галіяфы"
Чытайце Льюіса па-беларуску!
Мы рады вас запрасіць на прэзентацыю кнігі “Лісты Круцяля”.
“Лісты Круцяля” былі напісаныя ў 1942 годзе. У 31 лісце бес Круцель навучае свайго пляменніка Чарнобліка і дае падрабязныя рэкамендацыі па падрыву веры і заахвочванню заганай чалавека. Знешне пацешнае апавяданне хавае ў сабе сур’ёзную духоўную праблематыку
Перакладчык Франц Корзун распавядзе пра тое, як ішла праца над перакладам і чаму ўвогуле з’явілася на беларускай мове гэтая кніга. Ілюстратар Кацярына Дубовік паведаміць пра свае вобразы. А Вераніка Матусевіч, якая за так адрэдагавала кнігу, атрымае ўрачыстую падзяку.
Сэр Клайв Стэйплз Льюіс – англійскі і ірландскі пісьменнік, навуковец і багаслоў. Вядомы сваімі працамі па сярэднявечнай літаратуры і хрысціянскай апалагетыцы, а таксама мастацкімі творамі ў жанры фэнтэзі.
Прэзентацыя адбудзецца 19 снежня а 18 гадзіне па вул. Старавіленская 6.
