Прэзентацыя кнігі “Паміж небам і зямлёй: этнаастраномія”
Пачатак: 11.11 (19:00)Канец: 11.11 (21:00)
Літаратурны музей Максіма Багдановіча
Літаратурны музей Максіма Багдановіча запрашае Вас на прэзентацыю кнігі Цімафея Авіліна
“Паміж небам і зямлёй: этнаастраномія”
Мы ведаем старажытныя міфы і легенды розных народаў пра зоркі. А ці былі ў беларусаў свае
легенды пра нябёсных жыхароў? Як чалавек традыцыйнай культуры ўспрымаў неба і аб’екты на ім? На гэтыя ды іншыя пытанні чытач знойдзе адказы ў прапанаванай кнізе, першай спробе абагульнення беларускага матэрыялу з этнаастраноміі, астраніміі і ўвогуле
традыцыйных ведаў, датычных нябёсных целаў.
Пра сваю кнігу і гісторыю яе стварэння, распавядзе аўтар – этнаастраном Цімафей Авілін, а дапамагуць яму галоўны навуковы рэдактар працы Валодзіна Таццяна Васільеўна (доктар філалагічных навук) і навуковы супрацоўнік Цэнтра даследаванняў беларускай мовы, культуры і літаратуры Боганева Алена Міхайлаўна, ды сябры, якія ў той ці іншай форме спрычыніліся да з’яўлення манаграфіі.
За музычнае аздабленне мерапрыемства адказваюць таварышы кнігатворцы: Павал Сілівончык, Міхал Бараноўскі і… не абыйдзецца без сюрпрызаў, якія спадарожнічаюць, усім імпрэзам наша героя.
Чакаем вас 11 лістапада, а 19-й гадзіне
Адрас: вул. Бадановіча, 7а
Тэлефон для даведак: 3344269
