Год авангарду ў Польшчы і
трансавангард на «Варшаўскай восені»,
«Захэнта» і Нацыянальны павільён
на Венецыянскім біенале,
польскі плакат і Рышард Кая,
час, джаз і электронная музыка,
Анджэй Сэвэрын і
новы польскі кінагласарый –
вось далёка не поўны пералік цікавостак спецыяльнага «польскага» нумара часопіса «Мастацтва», прэзентацыя якога адбудзецца
2 лістапада а 17 гадзіне
ў Мастацкай галерэі Міхаіла Савіцкага.
Уваход вольны.
Пад выступленне джаз-бэнду аўтары «Мастацтва» распавядуць пра плён уласнай працы ў Варшаве і Гдыні, а наведнікі прэзентацыі змогуць пагартаць часопіс, прысвечаны культавым асобам і з’явам сучаснай польскай культуры, і атрымаць гайд па самых значных фэстах і выставах Польшчы на 2018 год.
Арганізатарамі імпрэзы выступаюць Польскі інстытут у Мінску і рэдакцыя выдання.
