Песні філаматаў і філарэтаў загучаць у Лідзе
Пачатак: 20.11 (18:30)Канец: 20.11 (21:00)
Цэнтральная раённая бібліятэка імя Янкі Купалы
Адчуць сапраўднае жыццё сябра таемнага студэнцкага таварыства ХІХ ст. змогуць усе жадаючыя лідчане 20 лістапада ў Цэнтральнай раённай бібліятэцы імя Янкі Купалы.
Уявіць сябе ўдзельнікам сходу філаматаў і філарэтаў, паспяваць тагачасныя песні, пачаставацца малаком прапануюць удзельнікі гістарычна-музычнага асветніцкага праекта “Песні філаматаў і філарэтаў”.
У Ліду завітаюць фалькларыст, майстар музычных інструментаў Алесь Лось, бард, рэжысёр народнага літаратурнага тэатру Алеся Сівохіна, скрыпачка Алена Мялешка, а таксама літаратуразнаўца Віталь Еўмянькоў.
Госці прапануюць паспяваць песні на вершы Яна Чачота, Тамаша Зана, Адама Міцкевіча па арыгінальных мелодыях, ноты якіх захаваліся з пачатку ХІХ ст..
Зборнік тэкстаў песняў склала жонка аднаго з заснавальнікаў Таварыства філаматаў, Тамаша Зана, Брыгіда Свентажэцкая ў 1855 годзе. Яго ў віленскім архіве знайшла музыказнаўца Святлана Немагай.
Акрамя гэтага публіку пачастуюць смачным малаком – яно з’яўлялася адным з яркіх сімвалаў філамацкага і філарэцкага жыцця.
Літаратурна-музычная імпрэза адбываецца пры падтрымцы грамадска-культурніцкай кампаніі “Будзьма беларусамі!”
Пачатак 18.30
Цэнтральная раённая бібліятэка імя Янкі Купалы
(вул. Ленінская, 10)
