Песня з найвышэйшай вежы: новыя “Паэты планеты”
Пачатак: 05.10 (19:00)Прадстаўляючы кніжныя навінкі – сем зборнікаў, якія з’явіліся ў серыі “Паэты планеты” (выдавец Зміцер Колас), паэты-перакладчыкі зладзяць у музеі Максіма Багдановіча вечарыну паэзіі, перастворанай імі па-беларуску.
Лявон Баршчэўскі будзе чытаць вершы італьянскага класіка Умбэрта Сабы, Алесь Разанаў – “Ахвярныя песнаспевы” знакамітага індыйскага набеліста Рабіндраната Тагора, а Andrej Khadanovich – выбраныя творы французскага генія Арцюра Рэмбо. Пекладчыкі_цы паэзі Zmicier Kolas, Yulya Tsimafeyeva, Ігар Крэбс, Кацярына Маціеўская (Kaciaryna Macijeuskaja) і Ганна Янкута (Hanna Yankuta) прачытаюць вершы ўжо выдадзеных “паэтаў планеты”, а таксама праанансуюць кнігі, якія толькі рыхтуюцца да друку і з’явяцца ў серыі неўзабаве.
На вечарыне будуць таксама прэзентаваныя кнігі выбраных вершаў немца Фрыдрыха Шылера, грузіна Нікалоза Бараташвілі, нарвежца Сігб’ёрна Обстфельдэра, амерыканскага набеліста Томаса Стэрнза Эльёта. Будуць даступныя і іншыя зборнікі з серыі “Паэты планеты”.
Уваход вольны.
Падзея ў Фэйсбуку
