Анлайн-дыскусія: «Роля інтэлектуалаў у працэсах грамадскай трансфармацыі ў Беларусі»
Пачатак: 26.06 (15:00)Канец: 26.06 (16:30)
26 чэрвеня Форум гістарычных даследаванняў Беларусі запрашае на анлайн-дыскусію на тэму «Роля інтэлектуалаў у працэсах грамадскай трансфармацыі ў Беларусі».
Дата: 26 чэрвеня
Час: 15:00 – 16:30 (па мінскім часе)
Месца: zoom
Разам з Таццянай Астроўскай, Андрэем Вазьянавым, Аленай Гапавай і Сайманам Льюісам будуць абмеркаваныя наступныя пытанні:
• Якую ролю адыгралі традыцыйныя інтэлектуальныя асяродкі (інтэлігенцыя) у крызісе аўтарытарнай легітымнасці?
• Які ўнёсак у падзеі 2020 года зрабіў беларускі дэмакратычны рух («старая апазіцыя»), які існаваў у 1989–2020 гадах?
• Як традыцыйныя паняцці і каштоўнасці інтэлігенцыі суадносяцца з іншымі ідэнтычнасцямі пратэсту: рабочым рухам, феміністычным рухам, новым сярэднім класам?
• І як ідэалагічны і палітычны ландшафт Беларусі трансфармаваўся пасля паўнамаштабнага ўварвання Расіі ва Украіну ў 2022 годзе?
Уступнае слова: Габрыэле Фрайтаг Мадэрацыя: Антон Лявіцкі.
Дыскусія адбудзецца на беларускай і англійскай мовах з сінхронным перакладам.
Рэгістрацыя па спасылцы.
