У суботу, 13 студзеня, у музеі народнай архітэктуры і побыту ў Азярцы — Шчодры вечар.
Дата: 13 студзеня
Час: з 14:00 да 15:30
Месца: музей народнай архітэктуры і побыту, Азярцо, Мінскі раён
Шчодрык, або Шчодрая куцця — вечар з 13 на 14 студзеня, калі гаспадары гатуюць другую (багатую, шчодрую) куццю, бліны з верашчакай і смажанай каўбасой, крупнік.
Шмат часу на Шчодрык надавалі варажбе. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе.
Абрад шчадравання вызначаўся абыходам двароў гуртом шчадроўнікаў, спевамі песень-шчадровак, услаўленнем гаспадара і гаспадыні.
То завітвайце шчадраваць!
Вас чакае:
Выступ гурта «Явар»;
Паказ ценявога тэатра «Вяртэп»;
Традыцыйныя калядныя варожбы;
Зімовыя забавы і гульні;
Беларускія народныя танцы;
Майстар-клас па выцінанцы.
Кошт квіткоў:
для дарослых — 12,50 рублі; студэнтаў ды школьнікаў — 6 рублёў; для дашкольнікаў — бясплатна.
