6 сакавіка ў грамадска-палітычным цэнтры на Палескай 52 адбудзецца сустрэча з гісторыкам Марыяй Булавінскай.
Марыя распавядзе пра мясціны, гісторыя якіх была звязана з шляхецкай культурай, а таксама пра перспектывы іх дабраўпарадкавання. Распавядзе і аб тым, як можна адшукаць свой радавод.
“Кажуць, што наяўнасць шляхты на тэрыторыі Гомельшчыны ў мінулым – нехарактэрная з’ява. Але гэта стэрэатып. Падчас вандровак часта адкрываюцца цікавыя мясціны, у якіх прасочваюцца яўныя сляды шляхецкай спадчыны. Толькі, на жаль, ад былой шляхецкай раскошы сёння часцей можна назіраць занядбаласць нашага краю: разрабаваныя старыя шляхецкія могілкі, руіны палацаў і сядзіб, на палову знішчаныя паркі і г. д.”
Пачатак сустрэчы: 18.00 (6-га сакавіка)
Месца: Палеская, 52
Уваход вольны
