21 сакавіка экскурсійны праект «Набліжэнне» ладзіць дабрачынны шпацыр «Адрасамі Інбелькульта» з экскурсаводам Таццянай Даўгач.
Дата: 21 сакавіка
Час: 19.00
Месца: збор ля амбасады Швецыі, вул. Рэвалюцыйная, 15, Мінск
Мінск Роўна 100 год таму ў Беларусі з’явілася першая нацыянальная шматпрофільная навуковая ўстанова — Інбелкульт. Яе стваральнікі — сапраўдныя рок-зоркі свайго часу ў галіне гісторыі, мовазнаўства, геаграфіі, літаратуры.
Аб чым яны марылі? Што даследавалі? Дзе працавалі, а галоўнае, якія сённяшнія адрасы Мінска захоўваюць памяць аб тых людзях і падзеях?
Адказы на гэтыя і многія іншыя пытанні вы знойдзеце на экскурсіі.
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
