31 траўня «Арт-Вандроўня» запрашае на шпацыр «Менск новапакутнікаў» з праваслаўнай экскурсаводкай Таццянай Хамянковай.
Дата: 31 траўня
Час: 18.30
Месца: будзе паведамлена ўдзельнікам асабіста
Вандроўка прысвячаецца гадавіне спачыну протаіерэя Фёдара Крываноса, кандыдата багаслоўя, даследчыка гісторыі праваслаўнай царквы ў Беларусі першай паловы ХХ ст.
Падчас вандроўкі вы апынецеся ў Менску канца ХIX — сярэдзіны ХХ ст. Даведаецеся пра гісторыю тых храмаў, манастыроў, установаў духоўнага ведамства, якіх сёння сёння ўжо няма.
Пазнаёміцеся з лёсамі менскіх студэнтаў, выкладчыкаў, службоўцаў, святароў, вязняў, якіх сёння мы ўшаноўваем як праваслаўных святых. У прыватнасці ўзгадаеце імёны 25 навапакутнікаў з Сабору беларускіх святых: айца Уладзіміра Зубковіча, архімандрыта Серафіма (Шахмуця), айца Уладзіміра Хіраскі ды іншых.
Вандроўка за ахвяраванні.
Рэгістрацыя па спасылцы.
