Сольны канцэрт гурта Re1ikt у TNT Rock Club 16 красавіка
Гурт Re1ikt дасць сольны канцэрт у TNTRockClub 16 красавіка. Кіраўніцтва клуба і музыкі калектыва вырашылі зрабіць вясенні падарунак слухачам – уваход на мерапрыемства будзе бясплатным.
Гэта будзе першы вялікі сольны канцэрт Re1ikt у гэтым годзе. Зусім нядаўна гурт вярнуўся з запісу новага альбому ў студыі ў Польшчы. Выхад працы запланаваны на восень. А ужо на канцэрце адбудзецца прэм’ера новай песні, на якую будзе зняты кліп.
Таксама Re1ikt рыхтуе яшчэ шэраг сюрпрызаў і цікавостак, аб якіх будзе распаведзена пазней.
