18 і 19 кастрычніка, у аўторак і сераду, Новы тэатр з Варшавы грае ў межах тэатральнага фестывалю «Пражскія скрыжаванні» спектакль «1,8 м» драматурга і рэжысёра Івана Вырыпаева.
Дата: 18 і 19 кастрычніка
Час: 20.00 (час мясцовы)
Месца: тэатр «Nová Scéna», Národní 1393, Прага
1,8 м — менавіта столькі плошчы даводзіцца на аднаго зняволенага ў беларускіх турмах. Спектакль заснаваны на тэкстах, якія палітвязні агучвалі ў судах і пісалі ў лістах родным.
Як цяпер жывуць людзі, якія сядзелі ў турме за выказванне свайго меркавання? Як атрымалася, што пасярод Эўропы парушаецца закон?
Спектакль граюць беларускія ды польскія акцёры на польскай, беларускай, расейскай і чэшскай мовах з ангельскімі субтытрамі.
Пасля кожнага спектакля адбудзецца сустрэча з творцамі — на расейскай мове з перакладам на чэшскую.
Квіткі коштам 390 крон яшчэ можна набыць па спасылцы.
