У суботу, 16 сакавіка, народны тэатр «На Доўгім Бродзе» грае ў Лошыцкім маёнтку спектакль «Дзяўчынка і варона».
Дата: 16 сакавіка
Час: 17.00
Месца: Лошыцкі маёнтак, Лошыцкі парк, Мінск
Вы станеце сведкамі незвычайнага дыялогу дзяўчынкі Луізы і Вароны.
Мама Луізы, археолаг, рызыкуючы жыццём, падняла з Міжземнага мора старажытную амфару з сямю зернямі шчасця часоў Аменхатэпа, прадстаўніка XVII дынастыі старажытнаегіпецкіх фараонаў.
На атрыманыя грошы яна хацела вылечыць сваю дачку, якая пасля няўдалага скачка не магла хадзіць.
Ці атрымалася ёй гэта зрабіць?
Ці пачала дзяўчынка зноў хадзіць?
Што стала з варонай, якая ўмела размаўляць?
Мастацкая кіраўніца і рэжысёрка спектакля — Таццяна Спруць.
Квіткі можна замовіць па нумары +375 17 396 18 86 альбо праз дырэкт музея.
