У чацвер, 12 сакавіка, студэнты праграмы "Тэатральнае мастацтва і акцёрская ігра" Еўрапейскага гуманітарнага ўніверсітэта запрашаюць на спектакль "I'm the heir".
Спадчына Старажытнай Грэцыі - падмурак еўрапейскай цывілізацыі.
Што з гэтага праз 2500 год жыве і адгукаецца ў нас?
О, уважце, грамадзяне!
Дэмакратыя, філасофія, тэатр, міфы, паэтыка, Алімпійскія гульні, грэцкая салата, красоўкі "Nike", крама "Pandora", ідэі гармоніі, чалавекацэнтрызму, лагічнага мыслення - ці марафон на кардыятрэнажоры?
І дзе ў гэтым усім - мы?
Нашчадкі элінаў выйдуць на падмосткі са спектаклем "I'm the heir", заснаваным на асабістых эсэ акцёраў, дзе яны шукаюць сваю сувязь з антычным светам.
Ды не згасне дух Дыёніса! Ды не бяднее дух запытання!
Рэжысёр - Аляксандр Марчанка.
Уваход вольны. Рэгіструйцеся па спасылцы.